АБ БІСРС

Беларуская інтэграваная сэрвісна-разліковая сістэма (БІСРС) – комплекс інфармацыйных сістэм і рэсурсаў, прызначаны для ідэнтыфікацыі карыстальнікаў (фізічных і юрыдычных асоб) з ужываннем ідэнтыфікацыйных карт (ID-карт) у мэтах аказання ім электронных паслуг (у тым ліку адміністрацыйных працэдур).

Стварэнне БІСРС – важны крок да развіцця электроннага ўрада, які стане сувязным звяном паміж грамадзянамі, бізнесам і дзяржавай у лічбавым свеце. БІСРС палегчыць і спросціць дыялог шляхам памяншэння бюракратычных патрабаванняў для аказання электронных паслуг і перагляду сваіх унутраных працэсаў з улікам прымянення сучасных лічбавых рашэнняў.

Асноўныя кампаненты БІСРС:

1. Адзіная сістэма ідэнтыфікацыі фізічных і юрыдычных асоб (Сістэма ідэнтыфікацыі), уключаючы кліенцкую праграму.

Сістэма ідэнтыфікацыі прызначана для прадастаўлення інфармацыйных сістэм розных дзяржаўных органаў і іншых арганізацый Рэспублікі Беларусь сэрвісу ідэнтыфікацыі / аўтэнтыфікацыі і працы з ЭЛП.

2. Праграмнае забеспячэнне, якое змяшчаецца на ID-карце для мэт ідэнтыфікацыі і выкарыстання электроннага лічбавага подпісу (крыптаграфічны токен аўтэнтыфікацыі);

3. Комплекс, які рэалізуе сэрвіс электронна-лічбавага подпісу ID-карты;

4. ID-карты і счытвальнік

5. Агульнадзяржаўная аўтаматызаваная інфармацыйная сістэма (ААІС).

6. Праграмна-апаратны комплекс Нацыянальнай інфраструктуры адкрытых ключоў машынасчытвальных праязных дакументаў для ўзаемадзеяння з Міжнароднай арганізацыяй грамадзянскай авіяцыі (ІКАО), які павінен спрасціць працэс ідэнтыфікацыі грамадзян Рэспублікі Беларусь пры выездзе з краіны.

Больш падрабязна пра БІСРС: https://www.mpt.gov.by/ru/biometricheskie-dokumenty-respubliki-belarus